念動轉生 - 第3集 【意念、情困、姻緣回春】

第3集 【意念、情困、姻緣回春】

為情所困嘅例子,一下子放抵

因為情傷攞「界」刀「界」手，「界」胸，喺胸口「界」嗰Love 字，睇落去好浪漫嘅傷害方法。 因為呢個行為而得到好多人嘅關注同情，

但因為呢個行為令到佢得到一個愛嘅填補，從而得到好多愛擁到身邊，

咁潛意識因為呢個行為就得出 》》 自毁 就會得到愛。

係好多次同聲師傅嘅分析， 原來呢個同學有好多病，例如癌症，多次嘅癌症，依家50幾歲當中有三次患有癌症。

源自於每一次病佢都有好多人錫佢，因為佢係做一啲運動嘅教練, 所以咁就會吸引到好多家長嘅關心。

所以佢走唔甩因為病會得到好多人嘅關心彌補，

（就咁樣聽會覺得佢有好多人嘅愛, 呢個愛係無窮無盡嘅）

例如：今日有人關心，下個星期都有，但當冇咗人關心嘅時候就會有出現空虛感，

呢個感覺一出, 潛意識就會勾起失戀嘅嗰個感覺就會變成自毁

聲師傅再深入解釋話：

以呢個例子為例，當佢有病嘅時候就會周圍同人講，就算冇病嘅時候都會同人哋講佢邊度痛邊度痛，

呢個行為形成到一個渠道: 就係吸收到愛嘅習慣

咁就等於每一次佢需要呢種愛嘅糧食佢就要病或痛。

當佢嘅愛戴者對佢嘅關心少咗嘅時候佢就需要去到大病例如癌症。

點解佢會有第一次會有自殺嘅行為，源自於係細個爸爸唔理佢佢又趕媽媽走，形成一種被離棄感覺，

而拍拖係一種好容易得到愛嘅感覺，

啲人容易早婚，早拍拖，早有小朋友嘅原因都係源自於細個被離棄，被屋企人趕走。自己走。

咁點解又會盡早得到愛又好快分手，即使結咗婚好快會唔要小朋友，會離婚、會對呢段感情厭惡，呢個原因唔係源自於段關係問題而係因為細個被離棄，根本就未彌補到細個嘅創傷，而呢個傷害會一直喺度，但呢種吸收愛情嘅嗰種愛肯定唔係細個被離棄嘅嗰種感覺。

所以當得到愛情之後會發覺都唔係自己想要嘅嗰個人，唔係自己諗得咁好，會搵好多人哋嘅缺點或者你會做好多自己嘅缺點令到人哋討厭你，唔愛你。

每一次都會吸收新嘅愛，但唔係之前失去愛嘅嗰種愛，但不斷去吸收愛，係填補唔到之前嘅窿（洞）

頭一次佢唔承認自己細個受傷害，唔接受聲師傅講嘅嘢，第二次佢再返嚟同聲師傅討論，終於第三次佢就自己逐件逐件去拆返開佢而家發生嘅事同細個嘅連結：

上一次個病係因為乜嘢嘅情感，對應返細個邊一件事， 

果一次戀愛又發生啲乜嘢嘢，識咗第三者就好似佢爸爸一樣識左第三者，去離棄媽媽咁佢就離棄佢女朋友，另一個女朋友就嫌佢太過反叛嘅性格，唔聽話，就好似細個佢媽媽咁樣鬧佢。

 佢每一次都對答到現今邊一件事，邊一次痛苦嘅事，係等於細個邊一件事。

解決嘅方法：要即時覺悟

當知道人生嘅模式係咁樣，咁你會唔會想係往后嘅人生都係被細個呢啲失去左既痛苦模式嘅線牽連返將來嘅人生，

你覺得值唔值得？

如果唔值得你肯唔肯即刻斬左呢啲線呢？

另一個故事，帶領呢個人即刻斬左佢呢啲線：

人認為好多好難除去嘅習慣，認為好傷感嘅情緒可能會痛一世都好，其實可以話放低就放低，就睇你點樣睇呢件事

有另一個朋友細個都係比父母離棄，父同母都趕佢走，出來社會就會不停拍，拖好細個就開始拍拖戀愛，而每一次得到愛之後亦都會好容易離棄人。佢亦都好重視人際關係，因為有朋友錫。但佢亦都好容易得罪啲朋友。源自於佢會學到細個父母嗰種鬧自己、打自己嘅模式，咁佢都唔覺意用呢種模式對返佢嘅朋友，亦會吸到啲朋友咁對返自己，所以形成佢人生係極多是非。佢經常去到一啲新嘅地方想建立關係嘅時候啲人都會對佢好差（  因為佢個氣場係咁樣，細個太多仇恨，好難表現到好愛好關懷人，亦都好介懷別人）當你越介懷嘅時候咁就會越敏感，當人哋可能對你講少句早晨、講少句多謝、講嘅嘢急促左，你就會以為人哋鬧你，因為你好敏感

會不知不覺你個眼神態度都會不友善咁樣對返人哋，會覺得呢個世界點解要咁樣對佢，

佢係最想做明星，因為做明星有一個滿足感，

咁呢種滿足感比到好威好受歡迎，被人認同感覺佢，最後佢講咗有種被認同、係得到愛嘅感覺。

其實佢想做明星係想得到大眾嘅愛，咁得到大眾既愛就會彌補番佢以前咁多個窿。

當聲師傳問佢：咁而家有間唱片公司保證兩年之內可以捧紅佢，問佢會唔會簽約。

佢即刻話「梗係簽啦」，但係呢間電影公司就話唔可以俾佢再拍拖，第二一定有好多是非，會有好多仇家，

咁佢都仍然係話「梗係簽約，可以紅」

即係呢樣野都講明所謂嘅令自己好痛苦嘅事。憂心，耿耿，原來可以係幾秒之間就放低，

一個思想嘅轉換，係百分之百嘅放低

咁即係話能夠俾你瞬間抌低，係咪即係垃圾？

人係即使覺悟之後面色都會靚晒

每個人用嘅方法都會唔同

有啲人要做清晒，有啲人講完即刻覺悟到

*******************下半集 *******************

性取向問題

有性取向問題唔係因為佢嘅荷爾蒙問題而改變，

而係因為例如一啲嘅傷害，一啲枷鎖意念，係自己個潛意識，所以令到佢有性取向改變。

一個女仔嘅例子：

佢鍾意女仔但亦都鍾意男仔，（後期）

咁佢係係外國讀書啦拍拖嘅時候呢會一路發現對方好多缺點，他拍拖就會覺得唔夠刺激，就搵一啲有婦之夫去拍拖，咁佢識親嗰啲都係有婦之夫，識一啲正常嘅戀愛就係佢飛人，有婦之夫就係人飛佢，而俾人飛佢就會好傷心

咁佢問聲師傅點樣可以做一個正常嘅戀愛者

其實佢唔係識唔到，而係識到後佢就會發現到人哋好多缺點。

原來係佢細個嘅時候佢媽媽成日都教佢唔好亂咁識男仔，男仔無個好人嘅，教佢着衫要密實啲，啲男仔識你都係為咗你嘅身材，咁係細個嘅時候佢媽媽不停咁灌輸呢啲資訊俾佢，佢媽媽係佢爸爸返工嘅時候會同佢講爸爸都係唔好嘅，話佢爸爸幾衰啊唔理佢啊，做家務幾辛苦啊。

其實媽媽同個囡咁樣講都係想丈夫錫佢，而唔係真係想講爸爸壞話

個女就會入咗個潛意識就係男人就係衰人。

咁佢爸爸係正常嘅一個顧家嘅男人，係有時態度唔好，咁就會形成呢個女仔大個咗出去搵正常嘅男仔就會覺得對方有好多缺點。

係因為佢媽媽日日係佢耳邊數爸爸，所以佢會入咗嗰個潛意識就係正常嘅男人都係麻煩嘅，都係衰既。

所以當對方想娶佢嘅時候，佢就會不自然咁出現好多理由：你又未搵夠錢等你搵夠錢嘅時候我哋就結婚（ 其中一個理由），等你同你父母交代一下先，我都未見過你父母，係呢段拖嘅時間自己就會製造好多問題出嚟，例如又會睇中第二個男仔，自己又話有啲咩未準備好，最後又會覺得原來大家性格又會唔啱。

從而將件事慢慢慢慢咁攪和左。最後又分手。

咁搞到同有婦之夫一齊，因為唔使負責任，唔使諗好多理由去分手。

咁到最後佢覺得唔妥，又結唔到婚。

（當然佢忘記晒所有佢飛人哋嗰啲， 忘記自己傷害人哋果刻）

咁喺一個時期一個女性出現咗係佢身邊，係佢覺得最空虛最需要愛嘅時候，痛苦嘅時候有個女性追求佢，咁佢就接受左。

自此之後佢就更加迷惘，係咪每一次男性嘅戀愛都咁失敗係咪自己唔係鍾意男性呢？定係鍾意女性？

而聲師傅將佢一啲盲點秋出嚟：

例如佢覺得有夫之婦係傷害佢，唔覺得係佢吸引返嚟嘅，

佢又理想當然認為佢唔要嗰啲男仔，覺得人哋好多不足

將佢呢一件事牽連返去細個邊一件事

原來就係好似當佢一放假嘅時候爸爸返工，媽媽就一定會數爸爸，你睇吓而家爸爸佢唔理我哋啊，佢又出去啦，唔知佢做咩啊，

令到佢好驚男人，驚一個正常家室嘅男人，

咁媽媽又好愛自己，但又會數爸爸不是啦，

女性咁呵護自己愛自己就好似媽媽咁愛佢一樣出現咗係佢嘅身邊

咁最後佢搵晒所有連結得出嘅結果就係佢最終係想結婚生小朋友，結婚生小朋友個對象就要係男性。

方法:

揸住兩個拳頭，曲曲地個手臂揸住兩個拳頭申出來，例如左邊個拳頭用少少力，係你鍾意男性嘅，右邊個拳頭係你鍾意女性嘅，

兩隻拳頭都先榨實啲，咁試吓邊一個拳頭可以咁低

咁就會set一啲情感落去嘅,最終決定

一百%去選擇 

仲有40%係欠缺甚麼：

咁佢哋都講出只要佢唔係識到有婚姻嘅男性，

離過婚嘅都冇所謂，學歷條件都唔係話好重要，最緊要係錫自己

仲剩下20%：

係喎因為鍾意女性係有媽媽嘅關心，咁如果有一個好呵護自己嘅男性出現

去到百分之百選擇才能成功

咁揀咗100%係要男性，啲線同細個連結斷晒，自自然然係人生去行正常婚姻呢條路第一順左好多，亦都會意識到人哋想娶佢嘅時候，佢就會製造問題，咁佢望得到依個自己嘅問題，下次想煩就會有警惕，又會禁低唔煩

跟住做會做催眠大概兩次

就係想像已經成功結咗婚，一個好愛嘅人去錫自己， 果一個元素入去潛意識。做好強好強嘅催眠

令佢感受到佢真係認為嘅婚姻，係好正嘅要佢感受晒結果，將佢放入個心入邊，因為一定要感受個結果跟住放係個心入邊。

咁做多兩次左右（ 每次個幾鐘），零潛意識將實相要發生一啲好錫佢嘅男仔出現

4次左右催眠

細個父與母既吵架一定會複製返係自己嘅人生

要識得警惕返自己， 適可而止

抌低一啲你認為唔可能嘅信念，係瞬間一轉換你就可以抌低放低

首先搵連結，引伸嘅問題一定有同細個嘅連結

形成不停重複發生問題不停重複又解決唔到

會覺得人生好慘不斷咁去搵新嘅愛去填補返細個以前失去嘅愛。

跟住講故事比佢聽要令佢覺悟斬晒所有連結

催眠將將來美好嘅景象打入潛意識湧入潛意識，

一定要錄音返屋企聽返， 不停將幸福融入潛意識

秘訣：聽錄音嘅之前同埋之後（最少一小時）唔可以睇一啲傷心戲，唔可以同人嗌交，勞氣傷心，睇好慘嘅韓劇，等等

最好催眠完之後就瞓覺

*******************念動轉生 第3集   *******************

多謝大家支持正能量分享

思想一轉, 物質實相就跟住轉!!   

外在的實相是由自己創造出來的, 只要心態改變, 外在境像自然改變